چۆنیەتی گۆڕینی سیمکارتێکی وونبوو یان شکاو بە پێنج هەنگاوی ئاسان

پەیوەندی بە ئاسیاسێڵەوە بکە بۆ وەرگرتنی سیمکارتی جێگرەوە ئەگەر سیمکارتەکەت وون بووە یان شکاوە. ئەمە دەتگەڕێنێتەوە سەر تۆڕەکەمان و یارمەتیدەرە بۆ دەستگەیشتن بەو خزمەتگوزارییانەی کە پێویستتە. ئەمانەی خوارەوە ئەو هەنگاوانەن کە پێویستە بیانگریتە بەر.

چۆن بە شەش هەنگاو سیمکارتێکی نوێ وەردەگریت

ئەمەی لای خوارەوە چۆنێتی وەرگرتنی سیمکارتێکی نوێیە لە ئاسیاسێڵ بە شەش هەنگاوی ئاسان:

هەنگاوی 1: گەڕان بە دوای سیمکارتەکەت

ئەگەر سیمکارتەکەت وون بووە، وا باشترە بۆ دوا جار بگەڕێیت بۆ دڵنیابوونەوە لەوەی کە ناتوانیت بیدۆزیتەوە.

هەوڵ بدە بیر لەوە بکەیتەوە کە دوا جار لە کوێ سیمکارتەکەت بینیوە و هەندێک شوێن بگەڕێ وەک جزدانەکەت، جانتاکەت، یان هەر شوێنێک کە دوایین جار لێی بوویت.

هەنگاوی 2: پەیوەندی بە سەنتەری خزمەتگوزاری بەشداربووانەوە بکە

ئەگەر سیمکارتەکەت شکاوە یان بە ڕاستی ناتوانیت بیدۆزیتەوە، تکایە پەیوەندی بکە یان دەتوانیت سەردانی ناوەندەکانمان بکەیت و بیگۆڕیت بۆ سیمکارتی ئەلیکترۆنی eSIM.

111 بۆ بەشداربووانی پریپەید ●

252 بۆ بەشداربووانی پۆستپەید ●

323 بۆ بەشداربووانی ●B2B و کۆمپانیاکان

 

هەروەها دەتوانیت ونبوون یان شکانی سیمکارتەکەت بە یەکێک لە ناوەندەکانمان ڕابگەیەنیت.      

ئێمە ناوەندی فرۆشتن و بریکارمان لەم شار و شارۆچکانەی خوارەوە هەن:

هەولێر ●

سلێمانی ●

کەرکوک ●

دهۆک ●

موسڵ ●

سەڵاحەدین ●

بەغدا ●

ئەنبار ●

کوت ●

دیالە ●

کەربەلا ●

بابل ●

دیوانیە ●

نەجەف ●

بەسرە ●

سەماوە ●

عەمارە ●

ناسریە ●

هەنگاوی 3: پێمان بڵێ چی ڕوویداوە

ئێمە داوای ناو، ناونیشان، ژمارەی تەلەفۆن و ژمارەی هەژمارەکەت (ئەگەر دەیزانیت) دەکەین.

 

ئەگەر دەتوانیت ژمارەی سیریەڵی سیمکارتەکەت بدۆزیتەوە، تکایە پێمان بڵێ. بە گشتی دەتوانیت ژمارەکە لەسەر ئەو کارتە پلاستیکیەکە بیدۆزیتەوە کە سیمکارتەکەت لەگەڵی هاتووە یان لەو کاغەزانەی کە کاتی بەشداربوونت لە خزمەتگوزارییەکەمان وەرتگرتووە و واژۆت کردوون.

 

لەوانەیە هەندێك پرسیارت لێ بکەین بۆ یارمەتیدانمان لە دڵنیابوونەوە لەوەی کە قسە لەگەڵ خاوەنی ڕاستەقینەی سیمکارتەکە دەکەین، وەک:

 

دوایین چالاکی هەژمار:  تیمەکەمان لەوانەیە پرسیارت لێ بکەن دەربارەی دوایین مامەڵەکانی پارە، ئەو خزمەتگوزارییانەی بەکارت هێناون، یان ئەو ژمارانەی کە بە بەردەوامی پەیوەندییان پێوە دەکەیت. ●

 زانیاری کەسی: لەوانەیە بەرواری لەدایکبوونت لێ داوا بکرێت، یان وەڵامی پرسیارێکی نهێنی       بدەیتەوە کە لە کاتی دروستکردنی هەژمارەکەت لێت کراوە. ●

 دوا شوێنی سیمکارت: ڕەنگە کارمەندی سەنتەری خزمەتگوزاری بەشداربووانمان پرسیارت لێ بکەن کەی و لە کوێ دوا جار سیمکارتەکەت بینیوە، بە تایبەتی ئەگەر ون بووبێت. ●

 

ئەگەر سەردانی یەکێک لە ناوەندەکانمان بکەیت، پێویستە بەڵگەنامەیەکی ناسینەوە "ناسنامە" بهێنیت وەک کارتی نیشتمانی ئەمە بۆ پشتڕاستکردنەوەی ئەوەیە کە ناوی سەر بەڵگەنامەکانت لەگەڵ ناوی سەر هەژماری ئاسیاسێڵەکەت یەک دەگرێتەوە.

هەنگاوی 4: سیمکارتە ونبوو یان دزراوەکە بلۆک دەکەین

کاتێک دڵنیا بووین کە سیمکارتەکە هی تۆیە، ئەوکاتبلۆکی دەکەین.

ئەمە کارێکی گرنگە چونکە ڕێگری دەکات لە بەکارهێنانی ژمارەکەت لەلایەن کەسانی ترەوە.

هەنگاوی 5: سیمکارتی جێگرەوە وەردەگریت

ئەگەر خۆت بە شەخسی هەواڵی سیمکارتە شکاو یان ونبووەکەت بدەیت بە یەکێک لە ناوەندەکانمان، دەکرێت ڕاستەوخۆ بیگۆڕینەوە. ئەگەر تەلەفۆنت کرد، لەوانەیە کەسانی تیمەکەمان داوات لێ بکەن سەردانی نزیکترین ناوەند بکەیت بۆ وەرگرتنی سیمکارتە نوێیەکەت. هەروەها دەتوانیت داواکاری ئۆنلاین پێشکەش بکەیت بۆ گۆڕینەوەی سیمکارتەکەت بە ئاسانی لە ڕێی AsiaMall ـەوە کە دواتر بۆت دەگەیەنینە بەردەرگای ماڵەکەت یان هەر شوێنێک بە خواستی خۆت تەنها بە پێدانی چەند زانیارییەکی سادە و ناونیشانی گەیاندن. AsiaMall، کە لەلایەن ئاسیاسێڵەوە پاڵپشت دەکرێت، پلاتفۆرمێکی بازرگانی ئەلیکترۆنییە کە لە وێبسایت و ئەپڵیکەیشنی ئاسیاسێڵ بەردەستە.

 

دڵنیابە لەوەی کە پرسیار لە کارمەندەکە دەکەیت کە چەند دەخایەنێت بۆ گەیشتنی ئەگەر بە پۆست بۆت بنێرن. ئەمە گرنگە چونکە، لە ماوەی چاوەڕوانیکردنی گەیشتنی سیمکارتەکەتدا ناتوانیت:

پەیوەندی بکەیت و وەریبگریت ●

نامە بنێریت و وەریبگریت ●

ئینتەرنێتی مۆبایلت هەبێت ●

 

هەندێک تایبەتمەندی هەر بەردەست دەبن گەرئامێرەکەت بە تۆڕێکی وای-فای بەسترابێتەوە. لەگەڵ ئەوەشدا، ناتوانیت پەیوەندی بە خزمەتگوزارییەکانی ئاسیاسێڵەوە بکەیت ئەگەر لە دەرەوەی مەودای کارکردنی وای-فایەکەت بیت.

هەنگاوی 6: چالاککردنی سیمکارتە نوێیەکەت

ئەگەر لە یەکێک لە ناوەندەکانمان بوویت و توانیمان ڕاستەوخۆ سیمکارتەکەت بگۆڕینەوە، تکایە داوا لە کارمەندەکەمان بکە سیمکارتەکە بخاتە ناو مۆبایلەکەتەوە. ئەمە وا دەکات خزمەتگوزارییەکەت ڕاستەوخۆ دەستبەکار ببێتەوە.

 

ئەگەر سیمکارتە نوێیەکەت لە ڕێگەی ئەپڵیکەیشنی ئاسیاسێڵەوە وەربگریت، ئەو ڕێنماییانە جێبەجێ بکە کە لەگەڵیدا دێن.

 

لەوانەیە داوات لێ بکەین مۆبایلەکەت بکوژێنیتەوە، سیمکارتەکە داخڵ بکەیت، دووبارە هەڵی بکەیتەوە و پەیوەندی بە ژمارەیەکەوە بکەیت بۆ چالاککردنی سیم کارتەکەت.

 

کاتێک سیمکارتەکەت چالاک دەکەین، وا باشترە مۆبایلەکەت تاقی بکەیتەوە تەنها بۆ دڵنیابوون لەوەی کە هەموو شتێک وەک پێویست کار دەکات.

 

هەوڵی پەیوەندیکردن و ناردنی نامە و بەکارهێنانی داتای مۆبایل بدە. ئەگەر پێشتر هیچ خزمەتگوزارییەکی زیادەت هەبوو، وەک پلانی داتا یان دەنگەنامە (ڤۆیس مەیڵ)، تاقی بکەرەوە بزانە کە هێشتا کار دەکەن.

 

ئەگەر پێویستت بە یارمەتی هەیە، پەیوەندیمان پێوە بکە بۆ پشتگیری.

پرسیارە باوەکان دەربارەی گۆڕینی سیمکارت 

لە کوێ دەتوانم سیمکارتی جێگرەوە وەربگرم؟

بۆ وەرگرتنی سیمکارتی جێگرەوەی ئاسیاسێڵ، پەیوەندی بە سەنتەری خزمەتگوزاری بەشداربووانمانەوە بکە یان سەردانی یەکێک لە ناوەندەکانمان بکە.

دەتوانیت تەنها سیمکارتێک بگۆڕیت؟

دەتوانیت سیمکارتی ئامێرە بەردەستەکەت بگۆڕیت ئەگەر ون بوو یان شکا. پەیوەندی بە سەنتەری خزمەتگوزاری بەشداربووانمانەوە بکە بۆ زانیاری زیاتر.

سیمکارتەکەم ون کردووە. چۆن هەمان ژمارە لەسەر سیمکارتێکی جێگرەوە وەربگرمەوە؟

پەیوەندی بە سەنتەری خزمەتگوزاری بەشداربووانی ئاسیاسێڵەوە بکە. ئێمە هەمان ژمارە کە ئێستا بەکاری دەهێنیت لەسەر سیمکارتە جێگرەوەکەت تۆمار دەکەین.

 

پەیوەندی بە ئاسیاسێڵەوە بکە:

تکایە پەیوەندی بە سەنتەری خزمەتگوزاری بەشداربووانمانەوە بکە ئەگەر پێویستت بە یارمەتی هەیە.

 

پێویستە بەشداربووانی پریپەید پەیوەندی بە 111 بکەن، بەشداربووانی پۆستپەید 252، و بەشداربووانی B2B/کۆمپانیاکان 323. هەروەها دەتوانیت لە ڕێگەی ئیمەیڵ، وەتساپ، مەسنجەر و چاتی ئەپڵیکەیشنی ئاسیاسێڵەوە پەیوەندیمان پێوە بکەیت.

 

ئەگەر پێویستت بە یارمەتی هەیە سەبارەت بە بەشی گیرفانم یان هەر پرسیارێکت هەیە، دەتوانیت پەیوەندیمان پێوە بکەیت لە ڕێگەی:

ماڵپەڕ: کلیک لەسەر ئایکۆنی چات لە خوارەوەی سکرینەکە بکە. ●

ئەپڵیکەیشنی ئاسیاسێڵ: کلیک لەسەر زیاتر بکە پاشان بەشی قسە لەگەڵ لەیلا بکە هەڵبژێرە. ●

واتساپ: ●https://wa.me/9647701111111

ماسنجەر: ● https://m.me/Asiacellconnect

 

هەروەها دەتوانیت پەیوەندیمان پێوە بکەیت لە ڕێگەی ئەم ژمارانەوە:

بۆ بەشداربووانی پریپەید: 111 ●

بۆ بەشداربووانی پۆستپەید: 252 ●

B2B●/ بەشداربووانی کۆمپانیاکان 323